Tashkilot haqida

Biz — O‘zbekiston Respublikasida Kichik va sanoat zonalarini rivojlantirish, muvofiqlashtirish va qo‘llab-quvvatlash uchun mas’ul bo‘lgan tashkilotmiz. Bizning asosiy vazifamiz — hududlarda tadbirkorlikni rivojlantirish, investitsiyalarni jalb qilish va ishlab chiqarish salohiyatini oshirish uchun qulay muhit yaratishdir.

Faoliyatimiz

O‘zbekiston Respublikasi Prezidentining 2017-yil 18-maydagi PQ-2973-sonli qarori asosida biz quyidagi yo‘nalishlarda faoliyat yuritamiz:

• Bo‘sh turgan ishlab chiqarish maydonlari va yer uchastkalari asosida kichik sanoat zonalarini tashkil etish va boshqarish;

• Kichik biznes subyektlariga binolarni uzoq muddatli ijaraga berish, investitsion majburiyatlar bajarilgan taqdirda keyinchalik sotib olish huquqi bilan;

• Sanoat zonasi ishtirokchilarini muhandislik-kommunikatsiya tarmoqlariga ulanishini ta’minlash (mahalliy byudjet va tegishli tashkilotlar hisobidan);

• Sanoat zonalari rezidentlariga amaliy yordam ko‘rsatish maqsadida idoroaro ishchi guruhlar faoliyatini muvofiqlashtirish.

Bundan tashqari, O‘zbekiston Respublikasi Prezidentining 2025-yil 4-martdagi PF-41-sonli Farmoniga asosan quyidagi ustuvor yo‘nalishlarda ish olib borilmoqda:

• Sanoat zonalariga 800 million AQSh dollari miqdorida investitsiyalarni jalb qilish;

• Eksport hajmini 512,2 million AQSh dollariga yetkazish;

• 17 mingdan ortiq yangi doimiy ish o‘rinlari yaratish.

Maqsadlarimiz

Tashkilotimiz quyidagi maqsadlarni ko‘zlaydi:

• Ishlab chiqarish infratuzilmasini rivojlantirish va sanoat o‘sishini rag‘batlantirish;

• Kichik va o‘rta biznesning barqaror rivojlanishi uchun sharoitlar yaratish;

• Aholi bandligini oshirish va hududlarning ijtimoiy-iqtisodiy ko‘rsatkichlarini yaxshilash;

• Investitsiya loyihalari va eksportga yo‘naltirilgan ishlab chiqarishlarni amalga oshirishga ko‘maklashish.

Biz sizga quyidagi imkoniyatlarni taqdim etamiz:

• Ko‘chmas mulkni imtiyozli ijara asosida berish va keyinchalik mulkka aylantirish imkoniyati;

• Muhandislik tarmoqlariga ulanishda amaliy yordam;

• Investitsiya loyihalarini amalga oshirish va xalqaro bozorga chiqishdagi ko‘mak;

• Har bir bosqichda yuridik va maslahat yordami.

Sizni O‘zbekistonning kichik va sanoat zonalarida biznesingizni muvaffaqiyatli rivojlantirishga chorlaymiz!