Sanoat zonalari Direksiyasida yong‘in o‘quv mashg‘uloti

Previous Next

Sanoat zonalari Direksiyasida rejalashtirilgan yong‘in o‘quv mashg‘uloti o‘tkazildi. Tadbir davomida xodimlarga yong‘in xavfsizligi qoidalari, favqulodda vaziyatlarda harakatlanish tartibi hamda evakuatsiya chiqish joylari haqida batafsil ma’lumot berildi.

Mutaxassislar o‘t o‘chirgichlar, yong‘in kranlari va boshqa yong‘inga qarshi vositalardan foydalanish tartibini tushuntirib berdilar. Shuningdek, o‘t o‘chirgichdan foydalanish bo‘yicha amaliy mashg‘ulot ham o‘tkazildi, bu esa xodimlarga olgan bilimlarini mustahkamlash va shartli yong‘inni o‘chirish ko‘nikmalarini rivojlantirish imkonini berdi.

Bunday o‘quv mashg‘ulotlari muntazam ravishda o‘tkazilib, xodimlarning tayyorgarlik darajasini oshirish, xavfsiz mehnat sharoitlarini ta’minlash va favqulodda vaziyatlarning oldini olishga xizmat qiladi.